लोणावळा शहरात आज मंगळवारी ६ नवे कोरोना पॉझिटिव्ह रुग्ण आढळून आले आहे. यातील चार रुग्ण हे खंडाळा गावठाण विभागातील असून एक रुग्ण तुंगार्ली गावातील तर एक रुग्ण हा पारसी आगारी परिसरातील आहे.
लोणावळा नगरपरिषदेच्या वागड कोविड केअर सेंटर याठिकाणी या टेस्ट घेण्यात आल्या. पॉझिटिव्ह रुग्णांमध्ये खंडाळा गावठाण विभागातील एकाच कुटुंबातील तीन महिलांसह एकूण चार जणांचा समावेश आहे. यात एका ८० वर्षीय वृद्ध महिला देखील समाविष्ट आहे. याशिवाय इतर रुग्णांमध्ये तुंगार्ली विभागातील २३ वर्षीय युवकाचा तर पारसी आगारी परिसरातील ३२ वर्षीय व्यक्तीचा समावेश आहे.

No comments:
Post a Comment