मावळ तालुक्यात करोना आता उग्र रूप धारण करू लागला असून आज बुधवारी एका दिवसात तब्बल १७ करोना पॉझिटिव्ह रुग्ण आढळून आले आहे. त्यामुळे तालुक्यातील करोना बधितांची संख्या आता १७० इतकी झाली आहे.
मिळालेल्या माहितीनुसार आज मावळ तालुक्यात ज्या १७ रुग्णांची भर पडली आहे त्यात ग्रामीण मावळ मधील ११ तर शहरी भागातील ६ रुग्णांचा समावेश आहे. शहरी भागात एकट्या तळेगावत ५ तर लोणावळा शहरात एक रुग्णाचा (नांगरगाव येथील कंपनीमध्ये सापडलेल्या रुग्णाची नोंद मुंबई येथे आहे) समावेश आहे. तर ग्रामीण मावळ मध्ये सदुंबरे येथे ३, शिरगाव येथे १, कातवी येथे १, साई येथे १, वराळे येथे १, कान्हे येथे २ आणि कामशेत येथील २ दोन रुग्णांचा समावेश आहे.
तालुक्यात आजअखेर सापडलेल्या १७० रुग्णांमधील ७९ रुग्ण पूर्णतः बरे झाल्याने त्यांना डिस्चार्ज देण्यात आला आहे तर ८ रुग्ण आतापर्यंत दगावले आहे. तर तालुक्यातील सक्रिय रुग्णांची संख्या ८३ इतकी आहे.
Whatsapp ग्रुप जॉईन करण्यासाठी येेेथे क्लीक करा

No comments:
Post a Comment